Опис: Теренските истражувања во средишните делови од Пелагонија, како и опстојната анализа на откриените наоди овозможија со голема веројатност да се идентификуваат остатоците од доцносредновековниот град Битола, несомнено распространет во средишниот и јужниот дел од денешната градска населба. Една од многуте енигми во македонската археологија е и убикацијата на градот Пелагонија, административниот центар на истоимената област. Со досегашните истражувања, главно базиран на податоците од историските извори и остатоците на теренот, приложени се повеќе локации за овој град.