Настани

Вака изгледаше изложбата на фотографии од конкурсот „Маркови кули и Варош“, збогатена со архивски снимки од истражувањата на Институтот за старословенска култура Прилеп. Оние кои не успеаа да ја видат во саботата на 6.10, ќе имаат прилика да ја посетат до 11 октомври во просторот на изложбениот салон на НУЦК Марко Цепенков.
Голема благодарност до Ѕвонко и Јавен простор Прилеп кои дадоа голем придонес за успешната реализација на изложбата.

Институтот за старословенска култура - Прилеп беше домаќин на евроамбасадорот С. Жбогар, постојаната претставничка на UNDP Л. Витон и градоначалникот И. Јованоски. Причина за посетата е грантот на Европската Унија за напредно ниво на заштита и раководење со споменикот на природата Маркови Кули, проект на Општина Прилеп, во кој како партнер е вклучен нашиот Институт, кој воедно е и надлежна институција за негово управување. Гостите ги пречекаа асистентите Христијан Талевски, Александар Василески и Дејан Кебакоски ги запознаа не само со заштитеното добро туку и со работата на Институтот, добрите практики и иновациите, а проговорија и за проблемите со кои секојдневно се соочуваме при работата и комуникацијата со министерствата, недостатокот од кадар, административен капацитет за управување со меѓународни проекти, опрема и сл!
Благодарност и до Градоначалникот Јованоски и општина Прилеп!